Áhugaverðir staðir : Jökulheimar og Tungnaárbotnar

Jökulheimar Iceland

Innri- og Fremri-Tungnaárbotnar, vestan undir Vatnajökli. Tungnaá á upptök í Innri-Botnum, vestan undir Kerlingum, sem eru strýtur vestast í Vatnajökli. Tungnaá er vatnslítil í fyrstu og rennur til suðvesturs með jökuljaðrinum en lágur móbergshryggur, Jökulgrindur, heldur að henni að vestan. Fremri-Botnar liggja í krika uppi við jökul, milli hans og Heimabungu sem er allvíðáttumikil melalda. Í Fremri-Botnum er allmikið graslendi, Botnaver. Uppi við jökulinn eru gróðurteygingar milli kvísla. Heita þar Jökulfitjar. Í Botnaveri er móbergstindur sem nefndur er Rati, (759 m y.s.) ágætt kennileiti, umleikinn Tungnaá. Næsta fjall vestan við hann, eftir að Tungnaá er öll komin saman, heitir Gnapi.

Á þessum slóðum ert þú algjörlega einn í heiminum.
Hér heyrist ekki einu sinni í fulgi, auðnin umleikur allt, einungis gnauðið í vindinum og niður árinnar eru þau hljóð sem heyrast.

Til baka